بالی ووڈ کی اپنے عہد کی ڈریم گرل ہیما مالینی کی بیٹی ایشا دیول نے اپنی والدہ کی ایک پرانی تصویر شیئر کی ہے جس میں وہ خود بھی موجود ہیں۔
ایشا دیول کی جانب سے اتوار کو انسٹاگرام پر شیئر کی گئی اس پرانی تصویر میں وہ خود انکی چھوٹی بہن آہانہ دیول وہرہ اور والدہ سینئر اداکارہ ہیما مالینی نظر آرہی ہیں، جبکہ تصویر میں ایشا کی آنٹی پرابھا راگیون کو بھی دیکھا جاسکتا ہے۔
یہ تصویر میرا میں بیلے رقص کی پرفارمنس کے موقع پر بنائی گئی تھی۔ واضح رہے کہ اس میں ہیما مالینی نے میرا بائی کا کردار ادا کیا تھا۔
ایشا کے مطابق وہ اس وقت سات برس کی تھیں۔ انکا مزید کہنا تھا کہ یہ میرے لیے اس لیے خصوصی اہمیت رکھتی ہے کہ ایک سات سالہ بچی اپنی چھوٹی بہن، والدہ اور آنٹی کے ساتھ اسٹیج پر ڈانس بیلے پرفارمنس میں شریک تھے۔
انہوں نے کہا کہ میرا بائی کا روپ میری والدہ نے دھارا اور میں نے بے بی میرا کا کردار ادا کیا تھا۔
