پاکستان کرکٹ بورڈ (پی سی بی) مینجمنٹ کمیٹی کے چیئرمین نجم سیٹھی کی پریس کانفرنس میں اہم اعلانات متوقع ہیں۔
ذرائع کے مطابق نجم سیٹھی کی لاہور میں کل پریس کانفرنس شیڈول ہے، جس میں وہ اپنے دورہ متحدہ عرب امارات (یو اے ای) کے حوالے سے تفصیلی بریفنگ دیں گے۔
نجم سیٹھی کی دبئی میں ایمریٹس کرکٹ بورڈ (ای سی بی)، ایشین کرکٹ کونسل (اے سی سی) اور بھارتی کرکٹ بورڈ بی سی سی آئی کے عہدیداران سے ملاقاتیں ہوئیں۔
ذرائع کے مطابق نجم سیٹھی اپنی پریس کانفرنس کے دوران بھارتی بورڈ اور ایشیا کپ کے حوالے سے پی سی بی کا پالیسی بیان دیں گے۔
ذرائع کے مطابق پی سی بی مینجمنٹ کمیٹی کے چیئرمین ای سی بی سے دوبارہ تعلقات استوار ہونے کے بارے میں بھی آگاہ کریں گے۔
ذرائع کے مطابق ٹیم مینجمنٹ کی تقرریوں اور کپتانی کے معاملے پر بھی بریف کیا جائے گا۔
ذرائع کے مطابق افغانستان کرکٹ بورڈ کی 3 ون ڈے میچز کی پیشکش پر بورڈ کا اعلان بھی کل کیا جائے گا، پی سی بی کے افغانستان کی پیشکش قبول کرنے کا قوی امکان ہے۔
ذرائع کے مطابق قومی سلیکشن کمیٹی اور جونیئر سلیکشن کمیٹی کے حوالے سے اعلانات بھی کل متوقع ہیں۔
