بولان کے علاقے پنیر میں ریلوے ٹریک پر دھماکے سے جعفر ایکسپریس کی 7 بوگیاں پٹری سے اتر گئیں۔
ریلوے حکام کے مطابق دھماکے میں 6 مسافر زخمی ہوئے جنہیں سی ایم ایچ سبی منتقل کردیا گیا ہے۔
اس حوالے سے حکام کا کہنا ہے کہ جعفر ایکسپریس کے مسافروں کو لانے کے لیے سبی سے ریلیف ٹرین روانہ کردی گئی ہے۔
ڈپٹی کمشنر آغا سمیع کا کہنا ہے کہ ریلوے ٹریک پر دھماکا ریموٹ کنٹرول ڈیوائس سے کیا گیا۔
انہوں نے کہا کہ دھماکے سے انجن اور 7 بوگیاں پٹری سے اترنے کے بعد ضلع کے اسپتالوں میں ایمرجنسی نافذ کردی ہے۔
