اسٹار فٹبالر کرسٹیانو رونالڈو سعودی فٹبال کلب النصر سے معاہدے کے بعد سوشل میڈیا پر خوب توجہ کا مرکز بنے ہوئے ہیں۔
سوشل میڈیا پر پچھلے دنوں رونالڈو کی رولیکس گھڑی توجہ کا مرکز بنی رہی، ان کی رولیکس گھڑی کی خاص بات یہ تھی کہ اس کے ہندسے عربی میں تھے۔
کرسٹیانو رونالڈو گرل فرینڈ اور بچوں کے ساتھ سعودی عرب میں موجود ہیں۔
پرتگال کے کپتان کرسٹیانو رونالڈو نے سماجی رابطے کی ویب سائٹ ٹوئٹر پر گرل فرینڈ اور بچوں کے ساتھ تصاویر شیئر کی ہیں۔
کرسٹیانو رونالڈو نے تصاویر کے ساتھ پیغام میں لکھا کہ’ زندگی کا قیمتی وقت اپنے پیاروں کے ساتھ‘
واضح رہے کہ رواں ماہ کے آغاز میں کرسٹیانو رونالڈو کا سعودی عرب کے فٹبال کلب النصر سے معاہدہ ہوا تھا۔
رپورٹس کے مطابق النصر فٹبال کلب رونالڈو کو ہر سال ساڑھے 7 کروڑ ڈالر ادا کرے گا۔
گزشتہ سال دسمبرمیں کرسٹیانو رونالڈو نے انگلش فٹبال کلب مانچسٹر یونائیٹڈ سے اپنی راہیں جدا کرلی تھیں۔
رونالڈو کا یہ فیصلہ ایک متنازع انٹرویو کے بعد سامنے آیا تھا جس میں انہوں نے کلب پر تنقید کرتے ہوئے کہا تھا کہ میرے دل میں کلب کے منیجرکے لیے کوئی عزت نہیں۔
