پاکستان تحریک انصاف (پی ٹی آئی) وائس چیئرمین شاہ محمود قریشی کی صاحبزادی مہربانو قریشی کا کہنا ہے کہ سمجھ سے بالاتر ہے کہ میرے والد کو عدالت میں کیوں نہیں پیش کیا گیا۔
راولپنڈی میں میڈیا سے گفتگو کرتے ہوئے انہوں نے کہا کہ عدالت میں میرے والد سے متعلق سیکیورٹی خدشات کا اظہار بھی نہیں کیا گیا۔
مہربانو قریشی کا کہنا ہے کہ نواز شریف کے لیے اسلام آباد ہائی کورٹ اور اطراف میں فول پروف سیکیورٹی فراہم کی گئی ہے۔
ان کا یہ بھی کہنا ہے کہ شاہ محمود قریشی اور چیئرمین پی ٹی آئی کو بھی فول پروف سیکیورٹی فراہم کی جائے۔
