امیرِ جماعتِ اسلامی کراچی حافظ نعیم الرحمٰن نے کہا ہے کہ نواز شریف سے پوچھیں کہ وہ اپنے آپ کو بادشاہ سمجھتے ہیں، انہوں نے اسرائیل اور امریکا کی مذمت کی؟
کراچی میں پریس کانفرس کرتے ہوئے حافظ نعیم الرحمٰن نے کہا کہ فلسطین میں مسلسل بمباری ہو رہی ہے، غزہ میں شہید ہونے والوں میں زیادہ تعداد بچوں کی ہے، حماس سے اسرائیل لڑ نہیں سکتا۔
حافظ نعیم الرحمٰن نے کہا کہ حماس کے ساتھ ہیں، ہر باضمیر انسان اس جدوجہد کے ساتھ ہے۔
امیرِ جماعتِ اسلامی کراچی حافظ نعیم الرحمٰن نے مزید کہا کہ کے الیکٹرک کے لائسنس کو ختم ہونا چاہیے، ابھی بھی کچھ جگہوں پر 10 گھنٹے کی لوڈشیڈنگ ہو رہی ہے۔
