ملتان — اولیا کی سرزمین ملتان کے علاقے دہلی گیٹ سے پولیس نے غیر قانونی طریقے سے رقم ترسیل کرنے والے2ملزمان کو گرفتار کیا ہے ، ملزمان سے 4کروڑ روپے کی رقم بھی برآمد ہوئی ہے جس کے بارے میں شبہ ظاہر کیا جا رہا ہے کہ یہ رقم حوالہ ہنڈی کے حوالے سے استعمال ہونے کیلئے لیجائی جا رہی تھی۔
نجی ٹی وی چینل “ڈان نیوز”کے مطابق ملتان پولیس نے حوالہ ہنڈی میں ملوث 2 ملزمان کو گرفتار کر کے مزید کارروائی کے لیے ایف آئی اے کے حوالے کر دیا ہے ، ایف آئی اے نے گاڑی اور رقم کو بھی تحویل میں لےلیا ہے ۔
