کویت کا کہنا ہے کہ ایرانی ڈرون حملے کے نتیجے میں اس کے کئی فوجی اہلکار زخمی ہو گئے ہیں۔
اس سے قبل کویت کی وزارتِ بجلی کی جانب سے جاری ایک بیان میں کہا گیا تھا کہ ایران کی جانب سے بجلی پیدا کرنے والے ایک پلانٹ اور سمندری پانی کو قابلِ استعمال بنانے کی ایک تنصیب کو نشانہ بنایا گیا ہے۔ بیان میں مزید کہا گیا ہے کہ حملوں کے نتیجے میں تنصیبات میں آگ لگ گئی اور کئی پیداواری یونٹ بند ہو گئے۔
یاد رہے کہ پاسدارانِ انقلاب نے ایک اور بیان میں ’آپریشن نصر 2 کی 15ویں لہر‘ میں کویت میں امریکی افواج پر حملے کا دعویٰ کیا تھا۔
